<圓圈加一點>--兒童按摩知多點^.^

<圓圈加一點>--兒童按摩知多點^.^

尋日大家有無聽我同Utopia上新城電台<圓圈加一點>呢?

我今日無意再講返訪問內容(我先唔會咁悶,遲D先UPLAOD返條帶啦)~

而係想睇下你地有無留意到節目中有把小妹妹嘅聲音呢?

佢就係沛沛喇~ 呢個小朋友十分活潑精靈但係同時又'CONTROLABLE'~令到節目過程中大家都十分愉快~

佢仲話好掛住鹹蛋哥哥添~

其實見到沛沛~ 我就更加覺得唔係所有小朋友都一定成日打機睇YOUTUBE~ 無時定兼小霸王~

一個小朋友嘅生活習慣、待人接物、處事態度係點完全取決於父母同照顧者點對佢地。

沛沛媽媽好有心機、耐性去照顧同教導沛沛~ 自己有做得唔好嘅地方會反醒，會道歉。亦會俾自由空間沛沛，等沛沛學識自主~

我講就幾行字~其實做落真係唔易GA~當然沛沛從小就有俾媽媽按摩，所以關係一路都好親近~但係最緊要就係媽媽有同理心~ 會喺沛沛嘅角度思考，自己亦會做個好榜樣俾沛沛學習。唔會當個女係機器、電腦，唔容許出錯~成件事好人性化~(我好鍾意人性代呢三個字)

各位爸爸媽媽~你地平時又點樣管教自己嘅小朋友呢?

左起:新城電台主持人-Kelvin鹹蛋哥哥; Utopia同沛沛; 小妹kenix