十分鐘 十年功

今日去咗一件武林盛事

就係「adidas醒獅盃」2014醒獅運動精英爭霸戰



簡直係大開界!!!

其實我由細到大都唔鍾意睇醒獅，因為好嘈同埋好迫~
不過經過今日之後，我完全改觀!

今日見到咁多隊隊伍比賽，睇到喺平時d舖頭開張時不一樣嘅醒獅~

原來而家玩舞獅嘅師傅都好年輕~ 但係都功駕十足~ 
每一隊都十分精彩~ 佢地每一個動作都要十分精準~絕對不能出錯! 稍有失誤都會被扣分~ 而每一個小分都會影響勝負~



















可想而知出賽嘅朋友壓力有幾大~十二隊中當然有驚險場面出現，無論大跌小跌~大小失誤，各隊伍都盡自己最大能力去完成動作，呢一點係最值得加許! 完全體現到運動員精神!永不放棄!! 希望有受傷嘅朋友無咩大礙~ 快d好返!!

所謂"十分鐘，十年功"真係一d都無錯!

今日睇完改變咗我對舞獅嘅印象~亦令我對呢項活動增加咗尊重多咗份欣賞~
 (唔知係咪我以前有跳舞，所以我特別理解"十分鐘，十年功"呢句說話~)

如果大家有興趣認識健獅呢項咁有歷史咁有本土特色嘅活動可以去下面條link了解下~
《我不是師傅－－一代醒獅之路》




















 大家以後睇舞獅不妨大力d多俾d掌聲，支持下每位師傅喺背後所付出嘅努力~